السلام عليكم ورحمة الله وبركاته
فوتگی کے موقع پر کھانا کھلانے اور کھانے کا شرعی طریقہ کیا ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
میت والوں کو کھانا کھلانے کا حکم ہے ’’رسول اللہﷺنے فرمایا:خاندان جعفر کے لیے کھانا تیار کرو ان کے پاس ایسی خبر آئی ہے جس نے انھیں مشغول کر دیا ہے‘‘(سنن ابی داؤد۔کتاب الجنائز۔باب صنعۃ الطعام لاھل المیت۔سنن الترمذی۔کتاب الجنائز۔باب فی الطعام یصنع لاھل المیت)شرعی طریقہ یہ ہے کہ کھانا پکا کر یا خرید کر ان کو کھلا دے اور بس۔
ھذا ما عندي والله أعلم بالصواب
