السلام عليكم ورحمة الله وبركاته
ایک عورت کا سوال ہے کہ میرے والد کی آمدنی میں حلال و حرام ملا جلا ہے تاہم حلال غالب اور حرام قلیل ہے، تو کیا میرے لیے جائز ہے کہ اپنے لیے کوئی ملازمت ڈھونڈ لوں۔ اور عنقریب میری شادی ہونے والی ہے تو کیا میں اپنے والد کے مال میں سے اپنے جہیز کے لیے کچھ لے سکتی ہوں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اگر آپ کے والد کی آمدنی ایسے ہی ہے جیسے کہ آپ نے بیان کیا کہ اس میں حلال و حرام ملے ہوئے ہیں مگر حلال غالب اور حرام قلیل ہے، تو جمہور علماء کے قول کے مطابق آپ کو اس میں سے لے لینا جائز ہے، بشرطیکہ اس نیت سے لیں کہ حلال میں سے لے رہی ہیں، اور اپنے جہیز کے لیے لینا بھی آپ کو جائز ہے۔
ھذا ما عندي والله أعلم بالصواب
