السلام عليكم ورحمة الله وبركاته
اگر کوئی عورت بیمار ہو، اس پر بدنظری یا جادو وغیرہ کا اثر ہو تو کیا اس پر قرآن کریم یا دوسری دعاؤں سے دم کیا جا سکتا ہے جبکہ وہ حیض کی حالت میں ہو ۔۔ یا کوئی مرد مریض ہو اور وہ جنابت سے ہو ۔۔؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
قرآن پڑھنے والے کے لیے تو یہ شرط ہے کہ حدث اکبر سے پاک ہو (یعنی ایسی حالت سے پاک ہو جس میں اس پر غسل لازم ہوتا ہے) جیسے کہ جنابت ہے یا حیض وغیرہ اور مریض کے لیے بھی بہتر یہی ہے کہ وہ بھی پاک ہو۔ لیکن اگر عورت کو حیض کا عارضہ ہو یا ان دونوں میں وہ کسی ایسی صورت حال سے دوچار ہو تو ضرورت کے پیش نظر اس پر قرآن پڑھا جا سکتا ہے اور وہ سبب کوئی بھی ہو سکتا ہے، جن ہو یا جادو یا بدنظری وغیرہ۔
ھذا ما عندي والله أعلم بالصواب
