السلام عليكم ورحمة الله وبركاته
ایسی جرابیں جو پھٹ گئی ہوں یا باریک ہوں، ان پر مسح کا کیا حکم ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اس بارے میں راجح قول یہی ہے کہ ان پر مسح جائز ہے، خواہ پھٹ گئی ہوں یا باریک ہوں اور ان میں سے جلد نظر آتی ہو۔ کیونکہ جراب پر مسح کا جائز ہونا اس وجہ سے نہیں کہ وہ پاؤں کے لیے ساتر ہیں (چھپانے والی ہیں)۔ پاؤں ایسا عضو نہیں جسے چھپانا واجب ہو۔ بلکہ اس سے مقصود رخصت اور سہولت دینا ہے۔ لہذا ہم اسے ہر وضو کے وقت انہیں اتارنے کا پابند نہیں کر سکتے، بلکہ یہی کہتے ہیں کہ آپ کو ان پر مسح کرنا ہی کافی ہے۔ اور اسی رخصت اور سہولت کے لیے موزوں پر مسح کرنا مشروع ہوا ہے۔ اور اس علت میں موزہ یا جراب دونوں ہی برابر ہیں، پھٹے ہوئے ہوں یا صحیح سالم، باریک ہوں یا موٹے۔
ھذا ما عندي والله أعلم بالصواب
