السلام عليكم ورحمة الله وبركاته
کیا یہ بات صحیح ہے کہ جہنم میں اکثریت عورتوں کی ہو گی اور کیوں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
ہاں، یہ صحیح ہے۔ نبی صلی اللہ علیہ وسلم نے عورتوں کے ایک اجتماع میں یہ بات فرمائی تھی کہ "اے عورتوں کی جماعت! صدقہ کیا کرو، بلاشبہ تم مجھے دکھائی گئی ہو کہ جہنم میں اکثریت تم عورتوں ہی کی ہے۔" پھر اس کی وجہ آپ صلی اللہ علیہ وسلم سے پوچھی گئی کہ یہ کیوں ہے اے اللہ کے رسول! تو آپ نے فرمایا: "تم لعنت بہت زیادہ کرتی اور شوہر کی ناشکری کرتی ہو۔"( صحيح البخارى، كتاب الحيض، باب ترك الحائض الصوم، حديث 304۔ صحيح مسلم، كتاب الايمان، باب بيان نقصان الايمان بنقص الطاعات، حديث 79 مسند احمد بن حنبل: 1/376) یعنی آپ نے ان کے جہنم میں کثرت سے ہونے کے اسباب شمار فرمائے تو بتایا کہ یہ گالی گلوچ اور لعنت ملامت بہت زیادہ کرتی ہیں اور شوہر جو ان کا رفیق زندگی ہوتا ہے اس کی ناشکری اور ناقدری بہت زیادہ کرتی ہیں، اسی وجہ سے یہ جہنم میں بہت زیادہ ہوں گی۔ (محمد بن صالح العثیمین)
ھذا ما عندي والله أعلم بالصواب
ماخذ:مستند کتب فتاویٰ
