السلام عليكم ورحمة الله وبركاته
کیا عذاب قبر ہمیشہ کے لیے ہوتا رہتا ہے یا منقطع ہو جاتا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اگر انسان کافر ہو، (اللہ اس کیفیت سے محفوظ رکھے) اس کے لیے کسی طرح ممکن نہیں کہ کبھی آرام و راحت پا سکے۔ اس کے لیے عذاب ہمیشہ اور مستمر ہے۔
لیکن اگر بندہ صاحب ایمان اور گناہ گار ہو تو اسے اس قدر عذاب ہوتا ہے جتنے اس کے گناہ ہوں اور کبھی اس عرصہ برزخ میں، (جو موت اور قیامت کے درمیان کا وقت ہے) کم بھی ہو سکتا ہے۔ اس طرح یہ منقطع بھی ہو جائے گا۔
ھذا ما عندي والله أعلم بالصواب
