السلام عليكم ورحمة الله وبركاته
تین وتر پڑھتے وقت دوسری رکعت میں قعدہ نہ بیٹھنے کی صحیح حدیث تحریر فرما دیں؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
مستدرک حاکم میں مرفوع حدیث ہے ام المومنین عائشہ صدیقہ رضی اللہ عنہا فرماتی ہیں «کَانَ رَسُوْلُ اﷲِﷺ يُؤْتِرُ بِثَلاَثٍ لاَ يَقْعُدُ اِلاَّ فِیْ آخِرِهِنَّ» ’’نبیﷺ تین وتر پڑھتے آخری رکعت میں بیٹھتے‘‘ مطبوعہ نسخہ ’’ لاَ يَقْعُدُ‘‘ کو حاشیہ پر لکھ دیا گیا ہے اور اس کی جگہ ’’ لاَ يُسَلِّمُ‘‘ مگر یہ صحیح نہیں ہے جیسا کہ تلخیص ذہبی اور متقدمین اہل علم کے حوالہ جات سے واضح ہے۔
ھذا ما عندي والله أعلم بالصواب
