السلام عليكم ورحمة الله وبركاته
ساؤتھ آل لندن سے قیوم عظیمی صاحب نے جو لکھا ہے اس کا مفہوم یہ ہے نکاح کےلئے کن چیزون کا ہونا ضروری ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
اسلام میں نکاح کےلئے تین چیزیں ضروری ہے۔ او ل مردوعورت کا باہمی ایجاب و قبول ’حق مہر اور گواہوں کی موجودگی۔
اگر یہ تین شرطیں پوری ہوں تو نکاح ہوجاتا ہے۔ بعض حالات میں ولی(لڑکی کا وارث )کا ہونا بھی ضروری ہے۔ قاضی کی موجودگی نکاح میں شرط نہیں ہے۔ جہاں تک خطبے کا تعلق ہے تو یہ سنت ہے اور نکاح مسنون طریقے سے ہوتو بہتر ہے۔ اللہ تعالیٰ کی حمدوثنا(یعنی خطبے کے ابتدائی کلمات) عربی میں ہوں تو باعث برکت ہے اور پھر اس میں تین قرآنی آیات ہیں وہ بھی عربی میں ہیں۔ اس کے علاوہ خطبہ کسی زبان میں بھی دیا جاسکتا ہے۔ خاص کر حقوق الزوجین کےبارےمیں ضروری باتوں کا بیان اس زبان میں ہوناچاہئے جو سب سمجھتے ہوں۔
بہرحال سارا خطبہ عربی میں پڑھنا ضروری نہیں ۔ بلکہ قرآن و حدیث کے الفاظ عربی میں ہو ں تو بہتر ہے۔ شرط یہ بھی نہیں۔ اگر عربی میں نہ پڑھیں تب بھی نکاح ہوجائے گا۔ لیکن مسنون طریقہ افضل ہے۔
ھذا ما عندي والله أعلم بالصواب
