ہمارے محلہ میں مسجد کے لیے بہت بڑی جگہ تقریبا 4 ایکڑ حکومت کی طرف سے وقف کی ہوئی ہے ۔جب کہ نمازیوں کی تعداد بہت کم ہے ،کئی سالوں سے مسجد میں کوئی مناسب کام نہیں ہوسکا ہے۔اب محلہ والوں نے مسجد کی تعمیر نو کرنے کی ارادہ کیا، اور مسجد کو شہید کردیا ہے۔اب جب دوبارہ تعمیر کرنے کا ارادہ کیا،تو اس کے لیے پیسوں کی بہت کمی پڑھ رہی ہے، اور محلہ والے غریب بھی ہیں اور اب اس کی تعمیر کرنا بھی ضروری ہے ،کیونکہ نمازی حضرات بہت پریشان ہوجاتے ہیں ،اب آپ سے سوال ہےکہ آیا مسجد کی تعمیر کے لیے ہم وہ مسجد کا خالی پلاٹ میں سے کچھ جگہ فروخت کرسکتے ہیں۔؟

الجواب بعون الوهاب بشرط صحة السؤال

اگر مسجد کی زمین کو فروخت کر کے اس کی رقم مسجد ہی کی تعمیر اور مصارف پر خرچ کی جائےتو اس میں کوئی حرج نہیں ہے،کیونکہ اس سے مسجد کی آبادی ہے ،ویرانی نہیں ہے۔اور اللہ تعالی نے مسجدوں کو آباد کرنے کا حکم دیا ہے۔سعودی عرب کے معروف عالم دین شیخ عبد الرحمن بن جبرین صاحب سے سوال کیا گیا کہ مسجد کے پرانے اے سی بیچ کر نئے خریدے جا سکتے ہیں تو انہوں نے جواز میں فتوی دیا کہ مسجد کی ضرورت کے تحت اس کی اغراض کو بیچا جا سکتا ہے۔

فتوی کمیٹی

محدث فتوی