السلام عليكم ورحمة الله وبركاته
انعقادِ نکاح کے موقع پر ایجاب و قبول کے بعد خطبہ پڑھنا جائز ہے یا پہلے پڑھنا ضروری ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
خطبہ کی جو روایت مروی ہے وہ ابوداود (۲۱۱۸) ترمذی (۱۱۰۵) نسائی (۳۲۷۹) ابن ماجہ (۱۸۹۲) احمد (۳۹۲/۱، ۳۹۳) اور دارمی (۲۲۰۸) وغیرہم نے بیان کی ہے، جو کہ سندا ضعیف ہے۔
دارمی کی روایت میں آیا ہے کہ خطبے کے بعد ’’ثم یتکلم یحاجته‘‘ یعنی پھر اپنی حاجت ذکر کرے۔ (نیز دیکھئے مسند احمد ۳۹۲/۱۔ ۳۹۳ ح۳۷۲۰) اس کی سند انقطاع کی وجہ سے ضعیف ہے تاہم دوسرے عمومی دلائل اور صحیح مسلم کی حدیث (۸۶۷) کی رو سے بہتر یہی ہے کہ خطبے کے بعد ہی ایجاب و قبول ہو۔
ھذا ما عندي والله أعلم بالصواب
