ایک روایت میں آیا ہے کہ "عن عبدالعزيز بن حكيم قال: رايت ابن عمر يرفع يديه حذواذنيه في اول تكبيرة ولم يرفعها فيما سوي ذلك" (موطا امام محمد ص9)
اس روایت کی سند سخت ضعیف ہے ۔
1:اسکا بنیادی راوی محمد بن الحسن بن فرقد الشیبانی سخت مجروح ہے ۔قاضی ابویوسف نے اس راوی کے بارے میں کہا ہے :اس کذاب یعنی محمد بن الحسن سے کہو: یہ مجھ سے جو روایتیں بیان کرتا ہے کیا اس نے سنی ہیں؟ ( تاریخ بغداد 2/180 وسند حسن ماہنامہ الحدیث :55ص29)
امام یحیی بن معین نے کہا : جهمي كذاب وہ جہمی کذاب تھا۔
(کتاب الضعفاء للعقیلی 4/52وسند ہصحیح لسان المیزان 5/122۔دوسرا نسخہ 6/28،ماہنامہ الحدیث:55ص 13)
مزید تحقیق کے لیے ماہنامہ الحدیث :55 میں تحقیقی مضمون '"تائید ربانی اور ابن فرقد شیبانی " کا مطالعہ کریں۔
حافظ ذہبی جیسے متاخرین نے اسے صرف موطا امام مالک کی روایت میں قوی قراردیا ہے،یہ قوی قراردینا محل نظر ہے تاہم روایت مذکورہ موطا امام مالک کی ہرگز نہیں ہے۔
2:اس کا دوسرا راوی محمد بن ابان بن صالح الجعفی بھی بالاتفاق ضعیف ہے ۔( دیکھئے نو رالعین ص 173 اور کتب اسماء الرجال )
ھذا ما عندی واللہ اعلم بالصواب
