سیدنا ابوہریرہ کی ایک حدیث میں نقل کیا گیا ہے کہ جو شخص جمعہ کے دن عصر کی نماز کے بعد اپنی جگہ سے اٹھنے سے پہلے اسی مرتبہ یہ درود شریف پڑھے تو اس کے اسی سال کے گناہ معاف ہوں گے اور اسی سال کی عبادت کا ثواب اس کے لئے لکھا جائے گا۔(القول البدیع:۱۸۸)

حضرت سہل بن عبداللہ کی روایت میں ہے کہ جو شخص جمعہ کے دن عصر کے بعد یہ درود شریف اسی مرتبہ پڑھے گا اس کے اسی سال کے گناہ معاف ہوں گے۔( القول البدیع:۱۸۹)

الجواب بعون الوهاب بشرط صحة السؤال

یہ دونوں روایات ہی غیر صحیح بلکہ بے اصل ہیں۔امام سخاوی نے تو اپنی کتاب ( القول البدیع:۱۸۹) میں ان کے بے اصل ہونے کو واضح کیا ہے،جبکہ بدعت پرستوں نے ان سے استدلال کرنا شروع کر دیا ہے۔امام سخاوی سیدنا ابو ہریرہ کی روایت بیان کر کے فرماتے ہیں۔

مجھے اس کی اصل نہیں مل سکی۔

جبکہ سیدنا سہل کی روایت کے بعد لکھتے ہیں۔

مجھے اس کی اصل نہیں مل سکی،میں اس کو غیر صحیح سمجھتا ہوں ،بلکہ اس کے باطل ہونے یقین رکھتا ہوں،واللہ اعلم۔

چونکہ یہ دونوں روایات ہی ثابت نہیں ہیں ،لہذا ان پر عمل نہیں کیا جاسکتا ہے۔

فتوی کمیٹی

محدث فتوی