کیا میت کو غسل دینے والے پر غسل کرنا ضروری ہے۔؟

الجواب بعون الوهاب بشرط صحة السؤال

میت کو غسل دینے والے پر غسل کرنا مستحب اور پسندیدہ امر ہے۔نبی کریم نے فرمایا:

من غسل میتا فلیغتسل(رواه الترمذي، وصححه ابن حزم نيل الأوطار: 1/ 907))

جو میت کو غسل دے وہ خود عسل کرے۔

دوسری جگہ آپ نے فرمایا:

لیس علیکم فی غسل میتکم غسل إذا غسلتموہ فإنه میتکم لیس بنجس فحسبکم أن تغلسوا أیدیکم (صحیح الجامع الصغیر للألبانی: ۲؍۹۵۲)

’’میت کو غسل دینے میں تم پر غسل نہیں ہے جب تم اسے غسل دو ، پس بے شک وہ تمہاری میت ہے نجس نہیں ہے ، پس تمہیں یہی کافی ہے تم ہاتھوں کو دھولو۔

ان دونوں احادیث میں جمع یہی ہے کہ پہلی حدیث میں بیان کردہ حکم مستحب ہے ،واجب نہیں ہے۔

فتوی کمیٹی

محدث فتوی