السلام عليكم ورحمة الله وبركاته
کیا اس کی وضاحت ضروری نہیں کہ سنت نبوی صلی اللہ علیہ وسلم کا متعین مفہوم کیا ہے ؟اور وہ کونسی کتاب ہے جس میں یہ سنت اس طرح محفوظ ہے کہ اسے سب سنت تسلیم کرتے ہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
سنت نبوی صلی اللہ علیہ وسلم کا متعین مفہوم وہی ہے۔جس کی وضاحت سینکڑوں سال قبل محدثین کرام کرچکے ہیں۔علامہ شوکانی رحمۃ اللہ علیہ کی کتاب ''ارشاد المفحول'' اٹھا کر دیکھئے بات کھل کر سامنے آجائےگی۔ مسلمانوں کا ایک ایک بچہ اس سے واقف ہے کہ نبی صلی اللہ علیہ وسلم کے قول وفعل وغیرہ پر حدیث یا سنت کا اطلاق ہے۔
سنت کے سلسلہ میں کتابوں کی درجہ بندی کے سات مراتب ہیں۔جو امت مسلمہ کے ہاں مسلمہ ہیں۔تقدیم صحیح بخاری اور مسلم کو حاصل ہے۔ملاحظہ ہو۔''علوم الحدیث'' اور ''شرح نخبۃ الفکر''وغیرہ۔
ھذا ما عندي واللہ اعلم بالصواب
