کیااحتلام سے روزہ ٹوٹ جاتا ہے۔؟

الجواب بعون الوهاب بشرط صحة السؤال

احتلام سے روزہ نہیں ٹوٹتا ہے ،محتلم نہ تو گناہ گار ہے اور نہ ہی اس پر کوئی کفارہ ہے۔و ہ صرف غسل جنابت کا پابند ہے۔کیونکہ یہ انسان کی استطاعت میں نہیں ہے اور اللہ تعالی انسان کو اس کی استطاعت سے زیادہ مکلف نہیں بناتے ہیں۔ارشاد باری تعالی ہے۔

﴿لا يُكَلِّفُ اللَّـهُ نَفسًا إِلّا وُسعَها...٢٨٦﴾... سورة البقرة

اللہ تعالی تعالی کسی بھی جان کو اس کی استطاعت کے مطابق مکلف بناتا ہے۔

نیز نبی کریم نے فرمایا:

ثلاث لا يفطرن الصائم الحجامة والقيء والاحتلام(ترمذی:719)

تین چیزیں روزہ نہیں توڑتیں : پچھنا (فصد لگوانا) قے اور احتلام ۔

یہ اگرچہ ضعیف حدیث ہے لیکن اس سے پہلے گزری آیت مبارکہ اپنے موضوع پر صریح حکم کا درجہ رکھی ہے۔

فتوی کمیٹی

محدث فتوی