کیا ایسے امام کے پیچھے نماز ہوسکتی ہے جو غیراﷲ سے مدد مانگنے کا قائل ہواور اس کے علاوہ کوئی قریبی مسجد بھی نہ ہو۔؟

الجواب بعون الوهاب بشرط صحة السؤال

اگر صحیح صراحت سے ثابت ہو جائے کہ وہ غیر اللہ سے مدد مانگنے کا قائل ہے ،تو یہ شرک ہے اور مشرک کا کوئی بھی عمل اللہ کی بارگاہ میں قابل قبول نہیں ہے۔

ارشاد باری تعالی ہے۔

﴿وَلَو أَشرَ‌كوا لَحَبِطَ عَنهُم ما كانوا يَعمَلونَ ﴿٨٨﴾... سورة الانعام

اگر یہ لوگ شرک کریں گے تو ان کے تمام اعمال ضائع ہو جائیں گے۔

اس آیت مبارکہ کی روشنی میں جب اس مشرک کی اپنی نماز قبول نہیں ہے تو پھر مقتدی کی کیسے ہو گی۔لہذا ایسے امام کے پیچھے نماز نہیں ہوگی۔بھلے مسجد قریب ہو یا نہ ہو۔آپ کو اس کا متبادل کوئی بندوبست کرناچاہئے۔

فتوی کمیٹی

محدث فتوی