السلام عليكم ورحمة الله وبركاته
ایک آدمی کے پاس ایک لاکھ روپے ہیں جس کی اس نے زکوٰۃ ادا کردی ہے اگلے سال پچاس ہزار مزید اس کے ساتھ مل جاتا ہے اب آیندہ پچاس ہزار روپے سے زکوٰۃ دیناہوگی یاایک لاکھ پچاس ہزارروپے سے کیونکہ ایک لاکھ روپے کی زکوٰۃ توادا کردی گئی ہے ۔
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
زکوٰۃ کے لئے ضابطہ حسب ذیل ہے:
1۔ پس انداز کیاہوامال نصاب کوپہنچ جائے ۔
2۔ وہ ضرورت سے زائد ہو۔
3۔ اس پرسال گزرجائے ۔
صورت مسئولہ میں ڈیڑھ لاکھ پرزکوٰۃ دیناہوگی کیونکہ اس میں مذکورہ شرائط پائی جاتی ہیں۔ ہاں، اگر اسے کسی مصرف میں استعمال کرلیاجائے تواس میں زکوٰۃ وغیرہ نہیں ہوگی ۔
ھذا ما عندي والله أعلم بالصواب
