السلام عليكم ورحمة الله وبركاته
ہم نے سنا ہے کہ وضو کے بعد درود بیٹھ کر پڑھنا چاہیے، چلتے ہوئے پڑھنے سے جوڑوں میں درد ہوجاتاہے۔کیا یہ صحیح بات ہے؟(غلام اللہ ۔شاہدرہ)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
وضو کے بعد جو مسنون دعائیں پڑھنے کی تلقین کی گئی ہے،ان میں سے سرے سے درودشامل نہیں ہے۔ویسے درود پڑھنے پر کوئی پابندی نہیں ہے۔البتہ اس کے لئے اپنی طرف سے کوئی ہیئت یا وضو کے بعد کی شرط عائد کرنا ناروا پابندی اور خود ساختہ طریقہ ہے، اس لئے بیٹھ کر وضو کرنے کے بعد بیٹھ کر درود پڑھیں یا کھڑے ہوکر اس میں کوئی حرج نہیں، نیز چلتے ہوئے پڑھنے سے جوڑوں میں درد والی بات بھی ایجاد شدہ ہے۔شریعت میں اس کی کوئی بنیاد نہیں ہے۔
ھذا ما عندي واللہ أعلم بالصواب
