میں گھڑی کے ٹائم کےمطابق رات کے آخری ثلث کا وقت معلوم کرنا چاہتاہوں ؟
معین وقت کے ساتھ اس کا ندازہ کرناممکن نہیں ، تاہم ہر شخص اس کا یوں اندازہ کرسکتاہے کہ پوری رات کو غروب آفتاب سے طلوع فجر تک تین حصوں میں تقسیم کرے ،جب دو حصے گزر جائیں تو آخری حصہ رات کا آخری ثلث شمار ہوگا ۔ صحیحین میں حضرت ابو ہریرہ سے روایت ہے کہ رسول اللہ ﷺ نے فرمایا :
(صحیح البخاری ، التہجد ، باب الدعا ء والصلاۃ من آخراللیل ، ح : 1145 وصحیح مسلم ، الصلاۃ ، باب الترغیب والدعاء والذکر فی آخراللیل ، ح: 758)
’’اللہ تعالی ہر رات کو ( جب رات کا آخری ثلث باقی رہ جاتا ہے ) ، آسمان دنیا کی طرف نزول فرماتے ہیں اورکہتے ہیں : کون ہے جو مجھے پکارے ، میں اس کی دعا قبول کرلوں ، کون ہے جو مجھ سے مانگے مین اس کو عطا کردوں ، کون ہے جو مجھ سے اپنے گناہوں کی معافی مانگے میں اسکو معاف کردوں ۔‘‘
چنانچہ ایک مومن کو چاہیےکہ وہ اس وقت کو غنیمت جانے ،اگرچہ رات کا کچھ ہی حصہ نصیب ہو شاید کہ وہ اس عظیم فضیلت کو پالے ۔ شاید کہ مولانا عزوجل کی رحمت کا کوئی جھونکا اس کا مقدر بن جائے اور مولا کریم اس کی دعا کو شرف قبولیت سے نوازدے ۔
ہم اللہ تعالی سےسب کے لیے توفیق کے طلب گار ہیں ۔
ھذا ما عندی واللہ اعلم بالصواب
