السلام عليكم ورحمة الله وبركاته
اگر امام کی آواز سنائی دیتی ہو تو کیا مسلمان کے لیے اپنے گھر میں نماز جمعہ ادا کرنا جائز ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
نماز جمعہ مسلمانوں کے ساتھ شامل ہو کر مسجد ہی میں ادا کرنا جائز ہے۔ اگر مسجد بھر جائے اور صفیں سڑکوں پر بھی بنا لی جائیں تو ضرورت کی وجہ سے ایسا کرنے میں کوئی حرج نہیں لیکن گھر یا اپنی دکان میں نماز جمعہ ادا کرنا ہرگز جائز اور حلال نہیں کیونکہ جمعہ و جماعت سے مقصود مسلمانوں کی آپس میں باہمی ملاقات بھی ہے تاکہ وہ سب ایک امت بن جائیں، ان میں الفت ومحبت پیدا ہو، جاہل عالم سے سیکھے، اب اگر ہم ہر شخص کے لیے دروازہ آسانی کا دروازہ کھول دیں اور کہیں کہ تم ریڈیو سے سن کر نماز پڑھ لیا کرو اور تم اسپیکر کی آواز سن کر اپنے گھر میں نمازادا کرلیا کرو ، تو پھر مسجدوں کے بنانے اور ان میں نمازیوں کے حاضر ہونے کا کوئی فائدہ نہیں۔ اگرآج اس بات کی رخصت دے کر یہ نیا کھول دیا جائے، تو اس کا نتیجہ یہ ہوگا کہ لوگ جمعہ وجماعت کو ترک کر نے لگیں گے۔
ھذا ما عندي والله أعلم بالصواب
