کیا حالت جنابت میں سونا جائز ہے ؟

الجواب بعون الوهاب بشرط صحة السؤال

حالت جنابت میں سونا جائز ہے لیکن بہتر اور افضل یہ ہےکہ انسان استنجاء اور نماز کے وضو کی طرح وضو کر کے سوئے کیوکہ محدثین کرام ﷭ کی ایک جماعت نے حضرت عائشہ رضی اللہ عنہا کی روایت کو بیان کیا ہے کہ انہوں نے فرمایا :

كَانَ النَّبِيُّ صَلَّى اللهُ عَلَيْهِ وَسَلَّمَ «إِذَا أَرَادَ أَنْ يَنَامَ، وَهُوَ جُنُبٌ، غَسَلَ فَرْجَهُ، وَتَوَضَّأَ لِلصَّلاَةِ»

 (صحيح البخاري الغسل باب الجنب يتوضا ثم ينام ح 288 وصحيح مسلم الحيض باب جوا ز نوم الجنب واستحباب الوضوء له وغسل الفرج ----الخ ح 305)

’’نبی ﷺ جب حالت جنابت میں سونے کا رادہ فرماتے تو استنجا ء اور نمازکے وضو کی طرح فرما لیتے تھے ۔‘‘

فتاویٰ اسلامیہ

ج4ص549

محدث فتویٰ