بحوث علمیہ و افتاء کی فتوی کمیٹی نے اس استفتاء کا جائزہ لیا جوسماحۃ الرئیس العام کی خدمت میں انجمن کبار علماء کے سکرٹریٹ کی طرف سے ( حوالہ : 2225۔2) بھیجا گیا ہے اور سوال یہ ہے کہ کچھ اجنبی لوگوں نے مظاہرے کے تو سیکورٹی فورسز نے انہیں گرفتار کر لیا اور مجاز اتھارٹی نے ان کےمکانات گرادینےکاحکم دیا ، جس کی وجہ سے ان کا کچھ سامان ادھر ادھر بکھر گیا ، جسے بعض لوگوں نے لےلیا تو کیا یہ سامان لے لینے کی وجہ سے کسی کو گناہ تو نہیں ہوگا ؟ کیا یہ سامان لینا حرام ہے ؟اگر کسی نے یہ سامان اٹھالیا ہو اور اب وہ اس کے مالک سے معاف کروانا چاہتا ہو تو اس کی کیا صورت ہے ۔ فتوی عطا فرماکر شکریہ کا موقع بخشیں ؟
اصول یہ ہے کہ مسلمان خون ، مال اورعزت و آبرو کے اعتبا ر سے واجب الاعتبار ہے ۔کسی کے لیے ناحق دست درازی کرناجائزنہیں ہے ،کیونکہ نبی ﷺ نے حجۃ الوداع میں خطبہ دیتے ہوئے ارشاد فرمایا تھا:
’’بےشک تمہارے خون ،تمہارے اموال اورتمہاری عزتیں تمہارے لیے اس طرح ناقابل احترام ہیں ، جس طرح یہ دن ،یہ شہر اور یہ مہینہ قابل احترام ہے ۔
اسی طرح مال کے بارے میں آپ نے فرمایا ہے :
’’ کسی مسلمان شخص کا مال حلال نہیں ہے الا یہ کہ وہ خود خوش دلی سے دے دے ۔‘‘
نیز آپ نے فرمایا ہے :
’’ہر مسلمان کا خون، اس کامال اوراس کی عزت دوسرے مسلمان پرحرام ہے ۔‘‘
آپ نے جو صورت ذکر کی ہے کہ بعض لوگوں نےمظاہرہ کیا اور انتظامیہ نےان کے مکانات کو گرانے کاحکم دےدیا تو اس صورت میں لوگوں کے لیے یہ جائز نہیں ہے کہ وہ ان کےمال و اسباب کو لوٹ لیں ۔ جس کسی نے بھی انکےمال کو لوٹا تووہ ظالم ،سرکش اور گناہ گار شمار ہوگا ،لہذاجس کسی نے ان کامال لی ہو تو اسے چاہیےکہ وہ فورا توبہ و استغفار کرے اوراس شخص کو مال واپس لوٹا دےجسکےگھر سےاس نےاسےلیاہو کیونکہ رسول اللہ ﷺ نےفرمایا ہے :
’’جس کسی نے اپنے بھائی کیآبرو ریزی یا کسی بھی شکل میں اس پرزیادتی کی ہو تو اسے آج ہی معاف کروالے قبل اس کے کہ وہ دن آئےجب اس کے پاس کوئی دینار ہوگا اور نہ درہم البتہ اگر اس کے پاس عمل صالح ہواتو وہ اس کے ظلم کےبقد اس سے لے لیاجائے گا اور اگر اس کے پاس نیکیاں ہوئیں تواس کے ساتھی کی برائیوں کو لے کر اس پر ڈال دیاجائے گا ۔‘‘
اگر پوری تحقیق و جستجو اوران لوگوں کےبارے میں سوال کرنےکےباوجود ،جن کا مال لیا ، ان کےبارے میں علم ہونا اور ان تک مال پہنچانامشکل ہو تو پھر اس مال یا اس کی قیمت کو صدقہ کر دیا جائے ۔ اگر بعد میں ان لوگوں کا علم ہو جائے تو انہیں ساری صورت حال بتادیجائے ۔اگر وہ اس پر راضی ہو جائیں تو ٹھیک ورنہ اس کا تاوان اپنےپاس سے ادا کرے ۔
ھذا ما عندی واللہ اعلم بالصواب
