السلام عليكم ورحمة الله وبركاته
جب سری نماز میں نمازی سورئہ فاتحہ اور کسی دوسری سورت کے پڑھنے سے فارغ ہو جائے اور امام نے ابھی رکوع نہ کیا ہو تو کیا وہ خاموش رہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
مقتدی جب سورئہ فاتحہ اور کسی دوسری سورت کے پڑھنے سے فارغ ہوگیا تو وہ خاموش نہ رہے بلکہ امام کے رکوع میں جانے تک پڑھتا رہے، خواہ تشہد اول کے بعد والی دو رکعتیں ہی کیوں نہ ہوں کیونکہ حالت نماز میں سکوت تو صرف اسی صورت میں ہے جب مقتدی امام کی قراء ت سن رہا ہو۔
ھذا ما عندي والله أعلم بالصواب
