السلام عليكم ورحمة الله وبركاته
ریڈیو کے بعض ایسے مفید پروگرام مثلا اخبارات کے اداریے سننے کے بارے میں کیا حکم ہے؟ جب انکے درمیان میں موسیقی بھی ہو؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
ایسے پروگرام سننے اور ان سے استفادہ کرنے میں کوئی حرج نہیں ہے بشرطیکہ موسیقی کے شروع ہونے پر ریڈیو کا بٹن بند کردیا جائے اور جب تک موسیقی ختم نہ ہو اسے بند رکھا جائے،کیونکہ موسیقی بھی جملہ آلات لہو سے ہے۔اللہ تعالی ہمارے لیے اس کے ترک کرنے کو آسان بنا دے،اور ہمیں اس کے شر سے محفوظ رکھے۔
ھذا ما عندي واللہ أعلم بالصواب
