السلام عليكم ورحمة الله وبركاته
ہمارا ایک پڑوسی اپنے گھر میں کئی برے کام کرتا ہے لیکن وہ ان کاموں کا لوگوں کے سامنے کھلم کھلا اظہار نہیں کرتا تو کیا ایسے شخص کو سمجھانا بھی واجب ہے 'جب کہ وہ ان کا علی الاعلان کا ارتکاب نہیں کرتا مگر ہمیں خصوصی ذرائع سے اس کا علم ہوا ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
آپ کے لیے حکم شریعت یہ ہے کہ اسے مخفی طور پر سمجھائیں۔اس کی ہدایت کے لیے دعا بھی کریں اور اس کی غیبت نہ کریں' کیونکہ نبی ﷺ نے فرمایا ہے:
((من ستر مسلماً ستره الله في الدنيا والآخرة)) (صحيح مسلم ‘الذكر والدعاء ‘باب فضل الاجتماع علي تلاوته القرآن وعلي الذكر ‘ ح :٢٦٩٩)
’’جو کوئی کسی مسلمان کی پردہ پوشی کرے گا تو اللہ تعالیٰ دنیا اور آخرت میں اس کی پردہ پوشی فرمائے گا۔‘‘
ھذا ما عندي واللہ أعلم بالصواب
