کیا پینٹ پہننا حرام ہے۔؟

الجواب بعون الوهاب بشرط صحة السؤال

لباس کے حوالے سے ارشاد باری تعالی ہے۔

﴿يـٰبَنى ءادَمَ قَد أَنزَلنا عَلَيكُم لِباسًا يُو‌ٰر‌ى سَوء‌ٰتِكُم وَر‌يشًا ۖ... ﴿٢٦﴾... سورة الاعراف

(اے اولادِ آدم! ہم نے تمہارے لیے لباس پیدا کیا جو تمہارے ستر کو چھپاتا ہے اور موجب زینت بھی ہے)

دوسری جگہ فرمایا:

﴿يـٰبَنى ءادَمَ خُذوا زينَتَكُم عِندَ كُلِّ مَسجِدٍ ...﴿٣١﴾... سورة الاعراف

(اے آدم کی اولاد! لے لو اپنی آرائش ہر نماز کے وقت)

لہذا لباس کے حوالے سے چند اصول یاد رکھیں کہ:

(1) لباس اتنا باریک نہ ہو کہ اس سے جسم نظر آتا ہو۔

(2) لباس اتنا تنگ نہ ہو کہ جسم کے اعضاءکا حجم دکھتا ہو۔

(3) لباس اتنا چھوٹا نہ ہو کہ ستر پوشی کا مقصد ہی پورا نہ کرتا ہو۔

(4) لباس ایسا ہو کہ غیر مسلموں سے مشابہت نہ ہوتی ہو۔

(5) لباس ایسا نہ ہو کہ اس سے تکبر کی گھن آتی ہو۔

مذکورہ بالا اصولوں کے روشنی میں اگر دیکھا جائے تو پینٹ اس پر پورا نہیں اترتی ،کیونکہ اس میں انسان کے اعضاء نمایاں طور پر نظر آرہے ہوتے ہیں۔لہذا اسے پہننا جائز نہیں ہے۔

مزید تفصیل کے لئے درج  لنک پر کلک کریں۔

فتوی کمیٹی

محدث فتوی