السلام عليكم ورحمة الله وبركاته
اگر انسان نے مصنوعی دانت لگوائے ہوں تو کیا کلی کرتے ہوئے انہیں اتارنا واجب ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
جب انسان نے مصنوعی دانت لگوائے ہوں تو بظاہر یوں معلوم ہوتا ہے کہ انہیں اتارنا واجب نہیں۔ اس صورت میں یہ دانت انگوٹھی کے مشابہہ ہوں گے چونکہ بوقت وضو انگوٹھی کو اتارنا واجب نہیں ہے بلکہ اس موقعہ سے افضل یہ ہے کہ اسے حرکت دے دی جائے اگرچہ حرکت دینا بھی واجب نہیں ہے کیونکہ نبی صلی اللہ علیہ وسلم انگوٹھی پہنتے تھے مگر یہ منقول نہیں کہ آپ وضو کرتے وقت اسے اتار دیتے ہوں اور ظاہر ہے کہ ان دانتوں کی نسبت انگوٹھی پانی کے پہنچنے میں زیادہ رکاوٹ ہے اور پھر بعض لوگوں کے لیے ان لگائے ہوئے دانتوں کا اپنی جگہ سے اتارنا اور پھر انہیں دوبارہ لگانا بہت مشکل بھی ہے، اس لیے انہیں وضو کرتے وقت اتارنا واجب نہیں ۔
ھذا ما عندي والله أعلم بالصواب
