ایک آدمی ایک شخص کے پاس کام کرتا تھا لیکن اس نے اسے جرت سے محروم کرنے کے لئے اس کے کام کا انکار کردیا۔ کارکن انتظامیہ کے پاس شکایت لے کر گیا تو انتظامیہ نے اس سے گواہوں کا مطالبہ کیا، جو لوگ یہ جانتے ہیں کہ یہ واقعی کام کرتا ہے، وہ اس شخص کے پڑوسی یا کارکن ہیں، لہٰذا انہوں نے گواہی دینے سے انکار کردیا تو شہادت حق چھپانے والے ان لوگوں کے بارے میں کیا حکم ہے؟
جو لوگ شہادت حق کو چھپائیں خواہ ان کا تعلق اس سوال سے ہو یا کسی بھی دوسرے معاملے سے ، ان کو معلوم ہونا چاہیے کہ ان کے بارے میں اللہ فرماتا ہے:
’’اور شہادت کو مت چھپانا جو اس کو چھپائے گا، وہ دل کا گناہ گار ہو گا۔‘‘
اور دل کا گناہ انسان کو انحراف بدن کی طرف لے جاتا ہے جس طرح کہ نبی اکرمﷺ نے فرمایا ہے۔
’’جسم میں گوشت کا ایک ایسا ٹکڑا ہے کہ اگر وہ درست ہو تو سارا جسم درست اور اگر وہ خراب ہو تو سارا جسم خراب ہو جاتا ہے۔ سن لو وہ ٹکڑا دل ہے۔‘‘
ھذا ما عندی واللہ اعلم بالصواب
