میں نے نذر مانی تھی کہ اگر میرے پائوں کا درد کم ہو گیا تو میں اللہ سبحانہ و تعالیٰ کیلئے دس رکعات نماز ادا کروں گا لیکن مجھے یہ معلوم نہیں کہ دو دو کر کے میں پانچ دنوں میں یہ دس رکعات پڑھوں یا ایک دن میں پڑھ لوں۔ رہنمائی فرمائیں۔ اللہ تعالیٰ آپ کو جزائے خیر سے نوازے؟
جب مذکورہ شرط پائی جائے یعنی آپ کے پائوں کا درد کم ہوجائے تو آپ کیلئے یہ ضروری ہے کہ نذر کو فوراً پورا کریں اور دس رکعات ایسے وقت میں پڑھیں جس میں نماز پڑھنا ممنوع نہ ہو اور دو دو رعکات کر کے پڑھیں کیونکہ نبی اکرمﷺ نے فرمایا ہے:
’’رات اور دن کی نماز دو دو رکعت ہے‘‘۔
نیز آپ نے فرمایا:
’’جو شخص اللہ تعالیٰ کی اطاعت کی نذر مانے اسے اللہ تعالیٰ کی اطاعت کرنی چاہئے اور جو شخص اللہ تعالیٰ کی نافرمانی کی نذر مانے تو اسے اللہ تعالیٰ کی نافرمانی نہیں کرنی چاہئے‘‘۔
ھذا ما عندی واللہ اعلم بالصواب
