السلام عليكم ورحمة الله وبركاته
کیا وضو کرنے والے کے لیے یہ لازم ہے کہ وہ کانوں کے مسح کے لیے نیا پانی لے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
کانوں کے لیے نیا پانی لینا لازم نہیں بلکہ صحیح قول کے مطابق یہ مستحب بھی نہیں ہے کیونکہ نبی صلی اللہ علیہ وسلم کے وضو کی کیفیت بیان کرنے والے صحابہ کرام رضی اللہ عنہم نے اس بات کو بیان نہیں کیا کہ آپ کانوں کے لیے نیا پانی لیتے ہوں، لہٰذا افضل یہ ہے کہ سر کے مسح کے بعد باقی بچی ہوئی تری سے کانوں کا مسح کیا جائے۔
ھذا ما عندي والله أعلم بالصواب
