کمیٹی کو درج ذیل سوال موصول ہوا ہے:
ایک شخص نے اللہ کی قسم کھائی تھی کہ وہ کسی غیر محرم عورت سے مصافحہ نہیں کرے گا لیکن ایک مدت کے بعد جب وہ ایک مجلس میں گیا تو اس میں اس کے پڑوسی کی بیوی بھی تھی اور اس نے اپنی سابقہ قسم کو بھول جانے کی وجہ سے اس سے مصافحہ کر لیا اور اب وہ پوچھتا ہے کہ اس کیلئے کیا حکم ہے؟
کمیٹی نے استثناء کے مطالعہ کے بعد درج ذیل جواب دیا ہے:
اگر امر واقعی اسی طرح ہے جس طرح سائل نے ذکر کیا ہے کہ اس نے غیر محرم عورتوں سے مصافحہ نہ کرنے کی قسم کھانے کے بعد بھول کر مصافحہ کر لیا تو اس میں کوئی حرج نہیں کیونکہ ارشاد باری تعالیٰ ہے:
’’اے ہمارے پروردگار! اگر ہم سے بھول چوک ہو گئی ہو تو ہم سے مواخذہ نہ کریں‘‘۔
اور صحیح حدیث میں ہے‘ رسول اللہﷺ نے فرمایا:
’’میری امت کیلئے علطی بھوک چوک اور جس پر انہیں مجبور کیا گیا ہو‘ معاف کر دیاگیا ہے‘‘۔
اور اگر اس نے ایسا جان بوجھ کر اور اپنی قسم کو یاد رکھتے ہوئے کیا ہے تو اس کیلئے کفارہ قسم لازم ہے لیکن یاد رہے کہ شرعاً عورتوں سے مصافحہ کرنا جائز نہیں الایہ کہ وہ ماں‘ بہن‘ بیٹی یا دیگر محرم ہوں۔
ھذا ما عندی واللہ اعلم بالصواب
