حضرت ابن عمرؓ سے مروی اس حدیث کا کیا معنی ہے جس میں رسول اللہﷺ نے فرمایا:
’’جس نے قسم کھاتے ہوئے ان شاء اللہ کہہ دیا تو اس پر کفارہ نہیں ہے؟‘‘
اس حدیث کا معنی یہ ہے کہ انسان جب کوئی قسم کھاتے ہوئے ان شاء اللہ کہہ دے اور پھر وہ قسم کو پورا نہ کر سکے تو اس پر کفارہ نہیں ہے مثلاً کوئی شخص یہ کہے کہ انشاء اللہ میں یہ کام ضرور کروں گا اور پھر وہ اسے نہ کرے یا یہ کہے کہ انشاء اللہ میں یہ کام نہیں کروں گا اور وہ اسے کر لے تو اس حال میں اس پر کفارہ لازم نہیں ہوگا کیونکہ اس نے انشاء اللہ کہہ دیا تھا لہٰذا قسم کھانے والے کو چاہئے کہ وہ انشاء اللہ کہہ دیا کرے تاکہ قسم پورا نہ کر سکنے کی صورت میں اس پر کفارہ لازم نہ ہو۔
بوقت قسم انشاء اللہ کہنے کا ایک فائدہ یہ بھی ہوگا کہ اس سے وہ کام آسان ہو جائے گا جس پر قسم کھائی ہو ۔
ھذا ما عندی واللہ اعلم بالصواب
