السلام عليكم ورحمة الله وبركاته
زکوٰۃ نہ ادا کیے گئے روپیہ سے حج ہو سکتا ہے یا نہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
کسی مشکوک اور ناپاک مال سے نیک کام سرانجام دینا فضول ہے۔ (اہلحدیث سوہدرہ جلد۵ ش۳۰)
حدیث میں ہے:
((ان اللہ لم یفرض الزکوة الا لیطیب ما بقی من اموالکم)) (رواہ ابوداود، مشکوٰة: ۱۵۶)
’’بیشک اللہ تعالیٰ نے زکوٰۃ کو فرض نہیں کیا مگر تاکہ باقی ماندہ مال کو پاک کرے۔‘‘
سرمایہ دار کے مال میں آٹھ قسم کے لوگوں کا حق ہے۔ جن کو قرآن پاک نے بیان کیا ہے، ان کا حق پہلے ادا کرے بعد میں حج کو جائے۔ (سعیدی)
ھذا ما عندي والله أعلم بالصواب
ماخذ:مستند کتب فتاویٰ
