سرچ انجن کی نوعیت:

تلاش کی نوعیت:

تلاش کی جگہ:

(377) مستعمل زیورات پر زکوۃ

  • 1833
  • تاریخ اشاعت : 2024-03-28
  • مشاہدات : 1837

سوال

السلام عليكم ورحمة الله وبركاته

جو زیورات عورتیں گھروں میں پہنتی ہیں کیا اس پر زکوٰۃ ہے اگر ہے تو اس کی کیا دلیل ہے بعض علماء حضرات کہتے ہیں کہ ہر سال زکوٰۃ نکالنی چاہیے بعض کہتے ہیں کہ اس پر زکوٰۃ نہیں اور بعض کہتے ہیں کہ ایک دفعہ زکوٰۃ ادا کرنے سے فرضیت ختم ہو جاتی ہے اور وہ یہ دلیل دیتے ہیں حضرت ام سلمہ رضی اللہ عنہا فرماتی ہیں کہ میں سونے کے کنگن پہنا کرتی تھی میں نے رسول اللہﷺ سے پوچھا کیا یہ کنز ہے (جس کی وجہ سے عذاب ہو گا) تو رسول اللہﷺ نے فرمایا جب تم نے اس کی زکوٰۃ دے دی تو اب یہ کنز نہیں ہے(رواہ الحاکم وسندہ صحیح المستدرک جزء اول ص ۳۹۰ فتح الباری جزء ۴ ص۱۳’’ابوداود کتاب الزکاۃ۔ باب الکنز ما ہو وزکوۃ الحلی)؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد!

زیورات سونے کے ہوں خواہ چاندی کے نصاب کو پہنچ جائیں تو ان میں زکوٰۃ فرض ہے دلیل آپ نے خود ہی تحریر فرما دی ہے باقی یہ زکوٰۃ ہر سال ہے تا آنکہ زیورات نصاب سے کم ہو جائیں تو پھر زکوٰۃ فرض نہیں رہے گی۔یاد رہے سونے کا نصاب بیس دینار۔’’ساڑھے سات تولہ ہے‘‘ جبکہ چاندی کا نصاب دو سو درہم ’’ساڑھے باون تولے‘‘

    ھذا ما عندي والله أعلم بالصواب

احکام و مسائل

زکٰوۃ کے مسائل ج1ص 272

محدث فتویٰ

ماخذ:مستند کتب فتاویٰ