سرچ انجن کی نوعیت:

تلاش کی نوعیت:

تلاش کی جگہ:

  • 988
  • تاریخ اشاعت : 2024-03-28
  • مشاہدات : 225

سوال

اللہ کے لئے دوسرے مزاہب کے باتل خداون کے نام کا استعمال کرنا کیسا ہے؟
اللہ کے لئے لفظ بھگوان استعمال کرنے کا حکم السلام عليكم ورحمة الله وبركاته جو لوگ غیر مسلموں میں دعوت و تبلیغ کا کام کرتے ہیں اکثر یہ دیکھا جاتا ہے کہ وہ اللہ کے لئے بھگوان لفظ کا استعمال کرتے ہیں۔ جبکہ ہم یہ جانتے ہیں کہ بھگوان لفظ دو لفظوں سے ملکر بنا ہے۔ بھگ+وان= جس کا مطلب ہوتا ہے کہ "عورت کی شرمگاہ کا مالک"۔میں یہ جاننا چاہتا ہوں کہ اللہ کے لئے ایسے لفظ کا استعمال کرنا کیا درست ہے؟ کیا یہ اللہ کی توہین نہیں ہے۔ ؟ الجواب بعون الوهاب بشرط صحة السؤال وعلیکم السلام ورحمة اللہ وبرکاته! الحمد لله، والصلاة والسلام علىٰ رسول الله، أما بعد! اس لفظ کے لغوی معنی سے قطع نظر اگرعرف عام کو دیکھا جائے تو ہندووں کے ہاں اس کا معروف استعمال کسی ایسی ہستی کے بارے میں کیا جاتا ہے ،جو تمام اختیارات کی مالک ہے ۔وہ اس کے لغوی معانی کی بجائے اس کے تصور کو سامنے رکھتے ہیں۔اگر آپ انہیں اللہ کی پہچان کروانا چاہتے ہوں کہ وہ سب سے بڑا ہے اور ساری کائنات کا مالک ہے، تو اس لفظ کو استعمال کرنے سے وہ جلدی سمجھ جائیں گے،ورنہ اس کا متبادل لفظ شایدجلدی ان کی سمجھ میں نہ آئے،(حتی کہ لفظ اللہ بھی)میرے خیال میں اس لفظ کے معروف استعمال کو سامنے رکھتے ہوئے دوران دعوت اگر اللہ کے تعارف کی غرض سے یہ لفظ استعمال کر بھی لیا جائے تو اچھی نیت کی بنیاد پر اس میں کوئی حرج نہیں ہے۔کیونکہ اس لفظ کے استعمال کے مقصود انہیں کسی بڑی ہستی سے متعارف کروانا ہے۔ ھذا ما عندی واللہ اعلم بالصواب فتوی کمیٹی محدث فتوی

ماخذ:محدث فتویٰ کمیٹی