بد عقیدہ شخص کی دعوت قبول کرنے کا حکم

السلام عليكم ورحمة الله وبركاته

کیا کسی بدعقیدہ یا بدعتی آدمی کی عام دعوت جیسے دعوت ولیمہ اور بچے کے عقیقے پر پکائے گئے کھانے کی دعوت قبول کرنا جائز ہے ۔؟

الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد!

ایسے لوگوں کے ساتھ تعلقات کی کئ انواع واقسام ہيں،جو مقاصد کے تحت جائز یا ناجائز ہوں گی : اگر تو ان کے ساتھ تعلقات قائم رکھنے سے ان کی اصلاح کرنامقصود ہو اور ان کا عقیدہ درست ہو جانے کی امید ہو اور ان تعلقات کا آپ پرکسی قسم کا منفی اثربھی نہ پڑے تو ان کی ایسی دعوتوں میں شرکت کرنے میں کوئی حرج نہیں ہے،بلکہ اس پرنیت کے مطابق اجر وثواب بھی ملے گا،بشرطیکہ ان دعوتوں میں خلاف شریعت امور نہ پائے جاتے ہوں۔ اور اگر معاملہ اس کے الٹ ہو ،مثلاً آپ کے گمراہ ہو جانے کا خدشہ ہو یا ان کے نہ سدھرنے کا اندیشہ ہو تو بطور حوصلہ شکنی کے ان کے ان دعوتوں میں شرکت نہ کرنا ہی بہتر ہے۔ ھذا ما عندی واللہ اعلم بالصواب

فتویٰ کمیٹی

محدث فتویٰ