سرچ انجن کی نوعیت:

تلاش کی نوعیت:

تلاش کی جگہ:

(195) یہ رضاعت شادی سے مانع نہیں ہے

  • 9650
  • تاریخ اشاعت : 2024-03-28
  • مشاہدات : 1019

سوال

السلام عليكم ورحمة الله وبركاته

میں سولہ سالہ نوجوان ہوں اور اپنے چچا کی بیٹی سے شادی کرنا چاہتا ہوں لیکن مجھے معلوم ہوا ہے کہ اس کی چھوٹی بہن نے میری بہن کا دودھ پیا ہے کیا اس سے شادی کرنا میرے لئے جائز ہے لیکن یاد رہے کہ اس نے میری والدہ کا دودھ نہیں پیا؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد!

اس لڑکی سے شادی کرنے میں آپ کے لئے کوئی حرج نہیں، اس کی چھوٹی بہن نے آپ کی بڑی بہن کا جو دودھ پیا ہے اس کا آپ کی شادی پر کوئی اثر نہیں پڑے گا یہ لڑکی آپ کے لئے اجنبی ہے کہ اس نے آپ کی والدہ کا یا آپ نے اس کی والدہ کا دودھ نہیں پیا اور نہ اس کی کسی بہن کا دودھ پیا ہے لہٰذا آپ دونوں کے مابین قرابت(رضاعت) نہیں ہے لیکن اس کی چھوٹی بہن آپ کے لئے یا آپ کے کسی اور بھائی کے لئے حلال نہیں ہے کیونکہ اس نے تمہاری بہن کا دودھ پیا ہے لہٰذا یہ تمہاری سب بھائیوں کی بھانجی ہے۔

ھذا ما عندي والله أعلم بالصواب

فتاویٰ اسلامیہ

کتاب النکاح : جلد 3  صفحہ 162

محدث فتویٰ

ماخذ:مستند کتب فتاویٰ