السلام عليكم ورحمة الله وبركاته
کیا یہ جائز ہے کہ میت کی قبر پر لوہے یا پتھر کی کوئی سلیٹ لگا دی جائے کہ جس پر قرآنی آیات بھی لکھی ہوں اور میت کا نام اور تاریخ وفات وغیرہ بھی۔؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
یہ جائز نہیں کہ میت کی قبر پر لوہے، پتھر یا کسی اور چیز پر قرآنی آیات یا کچھ اور لکھ کر لگایا جائے، کیونکہ حضرت جابر رضی اللہ عنہ سے روایت ہے:
(نهي رسول الله صلي الله عليه وسلم‘ ان يجصص القبر‘ وان يقعد عليه‘ وان يبني عليه) (صحيح مسلم‘ الجنائز‘ باب النهي عن تجصيص القبر...الخ‘ ح: 970)
’’رسول اللہ صلی اللہ علیہ وسلم نے منع فرمایا کہ قبر کو پختہ بنایا جائے یا اس پر بیٹھا جائے یا اس پر کوئی عمارت تعمیر کی جائے۔‘‘
صحیح سند کے ساتھ ترمذی کی روایت میں یہ الفاظ بھی ہیں:
(وان يكتب عليها) (جامع الترمذي‘ الجنائز‘ باب ما جاء في كراهية تجصيص القبور والكتابة عليها‘ ح: 1052)
’’آپ نے قبروں پر لکھنے سے بھی منع فرمایا۔‘‘
ھذا ما عندي والله أعلم بالصواب
ماخذ:مستند کتب فتاویٰ
