سرچ انجن کی نوعیت:

تلاش کی نوعیت:

تلاش کی جگہ:

(32) قرآت قرآن کریم کا ایصال ثواب مُردوں یا زندوں کو کرنا

  • 7363
  • تاریخ اشاعت : 2024-03-29
  • مشاہدات : 2844

سوال

السلام عليكم ورحمة الله وبركاته

قرآت قرآن کریم کا ایصال ثواب مُردوں یا زندوں کے لیے کیا جائے تو اس کا کیا حکم ہے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!

امام احمد بن حنبل رحمہ اللہ کا مشہور مذہب یہ ہے کہ طواف نماز اور قرآت قرآن کا ثواب زندہ یا مردہ کو پہنچانے میں کوئی حرج نہیں ہے لیکن باوجود اس کے یہ کوئی ایسا مشروع فعل نہیں ہے کہ لوگوں کو اس کا حکم دیا جائے یا اس کی ترغیب دلائی  جائے بلکہ میت کے لیے دعا ایصال ثواب سے بہتر ہے۔ چنانچہ آپ ﷺ کا ارشاد ہے کہ:

إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ ([1])

ترجمہ: جب انسان مر گیا تو اس کے عمل کا ثواب ختم ہو گیا مگر تین چیزیں ہیں (جن کا ثواب باقی رہتا ہے) ایک صدقہ جاریہ دوسرا علم جس سے فائدہ اٹھایا جائے تیسرا نیک اولاد جو اس کے لیے دعا کرے۔

آپ ﷺ نے یہ نہیں فرمایا کہ نیک اولاد جو اس کے لیے نیک عمل کرے بلکہ فرمایا نیک اولاد جو اس کے لیے دعا کرے۔ اس سے معلوم ہوا کہ دعا کرنا اہداءِ ثواب سے بہتر ہے۔


 (16) مسلم: 631 الوصیۃ باب ما یلحق الانسان من الثواب بعد وفاتہ عن ابی ہریرۃ رضی اللہ عنہ۔

 

فتاوی مکیہ

صفحہ 26

محدث فتویٰ

ماخذ:مستند کتب فتاویٰ