عیدین کی ہر تکبیر میں رفع الیدین کرنا کسی حدیث مرفوع حدیث سے ثابت ہے یا نہیں -
عیدین کی ہر تکبیر میں رفع الیدین کرنا کسی حدیث مرفوع حدیث سے ثابت نہیں ہے ہاں حضرت ابن عمر رضی اللہ عنہ کا ہر تکبیر میں رفعیدین کرنا بسند صحیح ثابت ہے۔ مگر یہ حضرت ابن عمرؓ کا فعل ہے۔ عون المعبود شرح سنن ابی دائود جلد ۱ صفحہ ۴۴۸ میں ہے۔
و اما رفع الیدین فی تکبیرات العیدین فلم یثبت فی حدیث صحیح مرفوع و انما جاء فی ذالک اثر قال البیہقی فی المعرفة باب رفع الیدین فی التکبیر العید قال احمد البیھقی و رویناہ عن عمر بن الخاطب فی حدیث مرسل و ھو قول عطاء بن ابی رباح وقاسم و الشافعی علی رفع رسول اللہ صلی اللہ علیه وسلم یدیه حین افتتح الصلٰوة و حین ارادہ ان یرکع و حین رفع راسه من الرکوع و لم یرفع فی السجود قال فلما رفع یدیه فی کل ذکر کان حین یذکر اللہ قائماً او رافعا الٰی قیام من غیر سجود لم یجز الا ان یقال یرفع المکبر فی العیدین یدیه عند کل تکبیرة کان قائما فیھا انتہٰی و اللہ تعالیٰ اعلم بالصواب۔
ترجمہ: عیدین کی تکبیرات میں ہاتھ اٹھانا ثابت نہیں کسی صحیح مرفوع حدیث سے۔ محض ایک صحابی حضرت ابن عمرؓ کا اثر ہے۔ امام شافعی کہتے ہیں کہ اس بارے میں حدیث مرفوع تو ہے نہیں۔ حضرت ابن عمرؓ نے دوسری نماز کے قیام اوررکوع کی تکبیروں پر اس کو قیاس کر کے کہا ہے۔ کہ سجدہ کے علاوہ جب بھی آپ نے تکبیر کہی تو رفعیدین کیا۔
ماخذ:مستند کتب فتاویٰ
