سرچ انجن کی نوعیت:

تلاش کی نوعیت:

تلاش کی جگہ:

(515) ہر فرض نماز کے بعد ہاتھ اٹھا کر دعا مانگنا کیسا ہے؟

  • 2815
  • تاریخ اشاعت : 2024-03-28
  • مشاہدات : 1734

سوال

السلام عليكم ورحمة الله وبركاته

کیا ہر فرض نماز کے بعد ہاتھ اٹھاکر دعا مانگی جائے گی؟


 

الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

فرض نماز کے بعد دعاء رسول اللہ  صلی اللہ علیہ وسلم سے ثابت ہے قولاً بھی اور عملاً بھی۔ البتہ فرض نماز کے بعد دعاء میں ہاتھ اٹھانا رسول اللہ صلی اللہ علیہ وسلم سے ثابت نہیں۔ اس موضوع پر مولانا محمد صفدر صاحب عثمانی حفظہ اللہ تعالیٰ کے رسالہ کا مطالعہ مفید رہے گا۔ رہی آپ کی درج کردہ نماز ادھوری والی روایت تو وہ کمزور ہے ایسے ہی (( الدعاء مخ العبادة )) والی روایت بھی کمزور ہے ۔ باقی حدیث (( إِنَّ الدُّعَاء ھُوَ الْعِبَادَة ))  (صحيح بخاري)اور حدیث ’’ نماز کے بعد دعاء قبول ہوتی ہے۔‘‘ صحیح حدیثیں ہیں اور ان کے مضمون میں کوئی نزاع نہیں، کیونکہ دعاء عبادت ہے اور فرض نماز کے بعد قبولیتِ دعاء کا وقت بھی ہے۔ جو چیز فرض نماز کے بعد ثابت نہیں، وہ ہاتھ اٹھانا ہے نہ کہ دعاء کرنا۔ واللہ اعلم۔

فتاویٰ علمائے حدیث

کتاب الصلاۃجلد 1

محدث فتویٰ

ماخذ:مستند کتب فتاویٰ