سرچ انجن کی نوعیت:

تلاش کی نوعیت:

تلاش کی جگہ:

(136) مسجد کی انتظامیہ بے نماز اور نمازی کو انتظامی امور میں شریک نہ کرنا

  • 2416
  • تاریخ اشاعت : 2024-03-29
  • مشاہدات : 2026

سوال

السلام عليكم ورحمة الله وبركاته

اگر مسجد کی انتظامیہ کمیٹی کے کارکن زیادہ تر بے نماز ہوں تو کیا ان کو یہ حق حاصل ہے کہ وہ نمازیوں کو یہ کہہ دیں کہ تم مسجد کے انتظامی امور میں بات کرنے کا حق نہیں رکھتے اور امام کو مجبور نہیں کر سکتے کہ وہ آپ کے مقرر کردہ وقت پر نماز پڑھائے؟

_______________________________________________________________

الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

مسجد کے عمومی انتظام میں تو بے شک عوام کو دخل نہیں دینا چاہیے، مگر اوقات نماز کا تقرر تو انتظامیہ کمیٹی سے تعلق نہیں رکھتا، اس کا تعلق تو امام اور مقتدیوں سے ہے، لہٰذا دونوں کو باہم تصفیہ کر لینا چاہیے اور ایک وقت مقرر کر کے اس کی پابندی کرنی چاہیے اور چھوٹی چھوٹی باتوں پر اختلاف پیدا نہیں کرنا چاہیے۔ (اہل حدیث سوہدرہ جلد نمبر۳ ش نمبر ۱۴)

قرآن وحدیث کی روشنی میں احکام ومسائل

جلد 02

ماخذ:مستند کتب فتاویٰ