السلام عليكم ورحمة الله وبركاته
اگر کوئی شخص شرعی طور پر قرض لیوے اور اس سے مسجد بنا دے پھر رشوت وغیرہ ناجائز ذریعہ سے مال حاصل کرے، اور اس مال سے اس قرض کو ادا کرے تو ایسی مسجد بنانا شرعاً درست ہے یا نہیں؟
_________________________________________________________________
ایسی مسجد بنانا درست ہے شرعاً اس کے بارہ میں مسجد کا حکم ہو گا، ایسی مسجد بنانے میں ثواب کی امید ہے، اس واسطے کے قرض کے مال سے وہ شخص اس مسجد کو بنا دے گا اگرچہ اس قرض کو خبیث مال سے ادا کرے، لیکن جب وہ شخص قرض ادا کرے گا، اس وقت اس مال کے خبث کا اثر پہلے مال میں نہ ہو گا، جو قرض لیا گیا تھا، واللہ اعلم
(فتاویٰ عزیزی جلد اول ص ۲۱)
ماخذ:مستند کتب فتاویٰ
