السلام عليكم ورحمة الله وبركاته
ماہنامہ دعوۃ التوحید جلد 3 شمارہ 25 صفحہ 18 پر مضمون نگار تحریر فرماتے ہیں:
"پاکیزہ روح! اللہ کی مغفرت اور رضا کی طرف چل، فرشتے اسے پہلے آسمان سے ساتویں آسمان تک لے جاتے ہیں۔ اللہ فرماتا ہے، میرے بندے کا نامہ عمل علیین میں لکھ دو اور اسے زمین کی طرف لوٹا دو کیونکہ میں نے انہیں زمین سے بنایا تھا۔"
بات روح کی ہو رہی ہے، کیا روح کو مٹی سے بنایا گیا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
روح رب تعالیٰ کے امر (حکم) میں سے ہے۔ جیسے کہ قرآن مجید میں ہے (دیکھیے 17 بنی اسراءیل: 85) اس کی حقیقت کسی پر بھی نہیں کھل سکی۔ روح کی حقیقت اللہ ہی جانتا ہے۔ باقی روح کو جسم میں لوٹانے کا حکم ہے اور جسم مٹی سے بنایا گیا نہ کہ روح۔
ھذا ما عندي والله أعلم بالصواب
ماخذ:مستند کتب فتاویٰ
