السلام عليكم ورحمة الله وبركاته
جبرئیل علیہ السلام جب نبی کریم صلی اللہ علیہ وسلم کے پاس آئے اور اسلام، ایمان، احسان اور قیامت کے بارے سوالات کئے تو اس وقت جبرئیل علیہ السلام نے دو زانو بیٹھ کر اپنے ہاتھوں کو رسول اللہ صلی اللہ علیہ وسلم کے گھٹنوں پر رکھا تھا یا اپنے گھٹنوں پر؟ (ایک سائل، منڈی بہاؤ الدین)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
جبریل علیہ السلام جب انسانی شکل و صورت میں انتہائی سفید لباس اور سیاہ کالے بالوں کی ہئیت میں رسول اللہ صلی اللہ علیہ وسلم کے پاس تشریف لائے تاکہ آپ کی امت کو تعلیم دی جائے کہ وہ دین کیسے سیکھیں تو انہوں نے اپنے گھٹنے نبی صلی اللہ علیہ وسلم کے گھٹنوں کی جانب ٹیک دئیے اور رسول اللہ صلی اللہ علیہ وسلم کے مبارک گھٹنوں پر دونوں ہاتھوں کو رکھا جیسا کہ نسائی وغیرہ کی کتب میں صراحت سے موجود ہے۔
ھذا ما عندي والله أعلم بالصواب
ماخذ:مستند کتب فتاویٰ
