السلام عليكم ورحمة الله وبركاته
میرے والد نے 21 رمضان کو روزہ چھوڑ دیا تھا جب کہ وہ مریض تھے اور نو شوال کو اسپتال میں وفات پا گئے تو ان کے رہ جانے والے روزوں کے بارے میں شریعت کا کیا حکم ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
جب کوئی شخص ایسے مرض میں مبتلا ہو جس سے شفا کی امید نہ ہو تو ایسے مریض کی طرف سے ہر دن کے روزہ کے عوض ایک مسکین کو کھانا کھلایا جائے گا لیکن اگر مرض ایسا ہو جس سے شفا کی امید تو ہو مگر رمضان گزرنے کے بعد مرض میں اضافہ ہو جائے یہاں تک کہ مریض فوت ہو جائے جیسا کہ آپ کے خط سے ظاہر ہوتا ہے تو ایسی حالت میں اس کے ذمے کوئی چیز نہیں ہےے اس لئے کہ متوفی پر قضا واجب تھی مگر وہ اس کا موقع نہ پا سکا۔
ھذا ما عندي والله أعلم بالصواب
ماخذ:مستند کتب فتاویٰ
