السلام عليكم ورحمة الله وبركاته
کیا سفر میں یا حضر وغیرہ میں ایک عورت کو دوسری اجنبی عورت کے لیے محرم سمجھا جائے یا نہیں؟ (علی۔ ع۔ ا۔القصیم)
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
کوئی عورت دوسری کے لیے محرم نہیں۔ محرم تو صرف وہ شخص ہے جو عورت کے نسب کے لحاظ سے اس پر حرام ہو۔ جیسے اس کا باپ اور اس کا بھائی یا مباح کا سبب ہو۔ جیسے خاوند اور خاوند کا باپ اور خاوند کا بیٹا اور جیسے رضاعی باپ یا رضاعی بھائی اور دوسرے محرم رضاعی رشتے۔
کسی شخص کے لیے یہ جائز نہیں کہ وہ کسی اجنبی عورت سے خلوت کرے اور نہ ہی اس کے ساتھ سفر کرنا جائز ہے۔ کیونکہ نبیﷺ نے فرمایا ہے:
((لَا تُسَافِرُ الْمَرْاة الَّا مَعْ ذِی مَحْرَمٍ))
’’کوئی عورت اپنے محرم کے بغیر سفر نہ کرے۔‘‘
اس حدیث کی صحت پر شیخین کا اتفاق ہے۔
اور اس لیے بھی کہ نبیﷺ نے فرمایا:
((لَا یَخْلُوَنَّ رَجُلٌ بِامْرَاة، فاِنَّ الشَّیْطَانَ ثالِثُھُمَا))
’’جب کوئی مرد کسی عورت کے ساتھ علیحدہ ہوتا ہے تو ان میں تیسرا شیطان ہوتا ہے۔‘‘
اس حدیث کو امام احمد وغیرہ نے عمر رضی اللہ عنہ کی حدیث سے اسناد صحیح کے ساتھ روایت کیا
ھذا ما عندي واللہ أعلم بالصواب
ماخذ:مستند کتب فتاویٰ
