السلام عليكم ورحمة الله وبركاته
ایک دفعہ میں اپنے ملک افریقہ کی ایک بستی ریف میں گیا ۔ اتفاق سے وہاں عید الاضحی کا دن آگیا۔ میں نے مردوں ، عورتوں سب لوگوں کو دیکھا کہ وہ قبروں کی زیارت کے لیے ایک مقبرہ کی طرف رواں دواں ہیں۔ عید کے دن صبح کو مجھے یہ دیکھ کر تعجب ہو اکہ سب حاضرین مقبرہ میں نماز ادا کرنے جارہے ہیں۔ ان کے آگے آگے ایک بوڑھا تھا، اجنے اس سے سب کونماز پڑھائی۔ ایک میں باقی رہ گیا ۔ جو کچھ میں نے دیکھا تھا اس پر حیران وپریشان کھڑا تھا۔ ان کے ساتھ میں نے یہ نماز نہیں پڑھی جسے وہ نماز عیدکا نام دیتے تھے ایسی نما اکے متعلق اسلام کا کیا حکم ہے؟ یہ خیال رہے کہ اہل الریف ، جہاں میں گیا تھا، وہاں نہ کوئی مسجد ہے او ر نہ جامع … یہ لوگ خیموں میں ایک دوسرے سے الگ الگ رہتے ہیں ۔
نوٹ: یہ جو میں نے کہا ہے کہ انہوں نے مقبرہ میں نماز پڑھی تواس کا مطلب ہے کہ مقبرہ کے قریب نماز پڑھی جو قبروں سے کافی دور تھا۔
محمد ۔ع۔ ا۔ تونس
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
نماز عید صرف شہروں اور بستیوں میں قائم کی جاتی ہے۔ اس کا چھوٹے چھوٹے دیہاتوں اور سفر میں قائم کرناشروع نہیں ۔ یہی رسول اللہﷺ کی سنت ہے۔ مجھے کچھ یاد نہیں پڑتا کہ آپﷺ نے یا آپ کے صحابہ کرام رضی اللہ عنہم نے سفر میں یاکسی چھوٹے سے گاؤں میں عید کی نماز اداکی ہو۔
آپﷺ نے حجتہ الودع ادا فرمایا تو آپ نے نماز جمعہ نہیں پڑھی حالانکہ وہ دن جمعہ کادن تھا۔ نیز آپ ﷺ نے منی میں عید کی نماز بھی نہیں پڑھی اور آپﷺ کی اتباع میں صحابہ رضی اللہ عنہم جو کہ مجسم خیروسعادت تھے، نے بھی نماز عید نہیں پڑھی۔
ھذا ما عندي والله أعلم بالصواب
ماخذ:مستند کتب فتاویٰ
