سرچ انجن کی نوعیت:

تلاش کی نوعیت:

تلاش کی جگہ:

(151) شادی کی نیت سے متعدد عورتوں کو دیکھنا

  • 15669
  • تاریخ اشاعت : 2024-03-28
  • مشاہدات : 875

سوال

السلام عليكم ورحمة الله وبركاته
کیا شادی کی غرض سے مسلمان کئی ایک عورتوں کو دیکھ سکتا ہے یا کہ اس پر ضروری ہے کہ وہ ایک لڑکی دیکھے اگر اسے اس سے شادی کی رغبت نہ ہوتو دوسری دیکھے؟

الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

لڑکے کے لیے منگیتر کو دیکھنا اس لے جائز کیا گیا ہے تاکہ اسے سکون واطمینان حاصل ہوجائے اور سنت پر عمل ہوسکے جیسا کہ حضرت مغیرہ بن شعبہ رضی اللہ تعالیٰ عنہ    اور دیگر صحابہ کی بیان کردہ احادیث میں ملتا ہے منگیتر کو دیکھنے کے لئے چار شرطوں کا پایا جانا ضروری ہے:

1۔نکاح کا پختہ ارادہ

2۔خلوت نہ ہو

3۔فتنے کاڈر نہ ہو

4۔مشروع مقدار سے زیادہ نہ دیکھا جائے

مشروع مقدار یہ ہے کہ جولڑکی عام طور پر اپنے بھائی اوروالدہ وغیرہ کے سامنے جو کچھ ظاہر رکھتی ہے۔لہذا اس بنا پر لڑکی کو صرف اسی وقت دیکھا جائے  گا جب اس سے نکاح کرنے کا  پختہ ارادہ ہو اگر دیکھنے کے بعد دل مطمئن ہوجائے تو ٹھیک ورنہ کسی اور کو دیکھ لے۔(شیخ محمد المنجد)
ھذا ما عندی واللہ اعلم بالصواب

فتاویٰ نکاح و طلاق

ص218

محدث فتویٰ

ماخذ:مستند کتب فتاویٰ