سرچ انجن کی نوعیت:

تلاش کی نوعیت:

تلاش کی جگہ:

(118) مذاق سے بیوی کو طلاق کہنا

  • 14904
  • تاریخ اشاعت : 2024-03-28
  • مشاہدات : 2248

سوال

السلام عليكم ورحمة الله وبركاته

اگرکوئی شخص اپنی بیوی کویہ کہتا ہے‘‘تم طلاق’’توکیا اس کی بیوی مطلقہ ہوجائے گی؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

اصل مسئلہ یہ ہے کہ طلاق ،نکاح اوررجوع اگرمذاقابھی کہے توہوجاتی ہیں ،جیساابوہریرہ رضی اللہ عنہ سےترمذی(کتاب الطلاق)،ابوداودوغیرہ میں یہ حدیث حسن سند کے ساتھ واردہوئی ہے:

((ثلاث جدهن جدوهزلهن جدالنكاح والطلاق’والرجعه.))

‘‘تین چیزیں ایسی ہیں ان کی حقیقت بھی حقیقت ہے  اوران کامذاق بھی حقیقت ہے،نکاح،طلاق ،رجوع۔’’

لیکن آں جناب نے جوصورت تحریرفرمائی ہے اس سے معلوم ہوتا ہے کہ یہ الفاظ‘‘تم طلاق’’آپ کی زبان سے غلطی سے نکل گئے ہیں جیساکہ نحو کی کتاب میں بدل غلط کی مثال دی جاتی ہے کہ کسی کوکہنا یہ ہے کہ جاء زید لیکن نکل گیا ،جاء حمارپھراس کا تدارک کرتے ہوئے حمارکے بعدزید کہے ،خطامیں اورمذاق میں فرق ہے۔مذاق میں ان الفاظ کے نکلنے کا ارادہ توہوتا ہے لیکن وہ دل میں یہ ارادہ کرتا ہے کہ یہ الفاظ میں مذاق سے کہہ رہاہوں لیکن خطامیں توان الفاظ کے کہنے کا نہ خطاء نہ مذاقاارادہ ہی  نہیں ہوتا بلکہ زبان کی سبقت سےنکل جاتے ہیں اوراس کا کوئی اعتبارنہیں بموجب حدیث حضرت ابن عباس رضی اللہ عنہ مرفوعا:

((إن الله تجاوزلى عن أمتى الخطا والنسيان وما استكرهوا عليه.))(رواه ابن ماجه)

‘‘میری امت سے اللہ تعالی نے تین چیز یں درگزرفرمائی ہیں غلطی ،بھول چوک اورزبردستی۔’’

لہذا اس سے کوئی طلاق وغیرہ واقع نہیں ہوگی ۔پھر صحیح طورپر جوالفاظ آپ کی زبان سےنکل گئے وہ تھے ‘‘تم طلاق’’یہ جملہ نہ تمام ہے یہ اس طرح بھی ہوسکتا ہے‘‘تم طلاق چاہتی ہو’’وغیرہ وغیرہ اگربالفرض یہ الفاظ دانستہ طورپرکہے تھے تب بھی آپ کی نیت پرمنحصر ہوگا اگرنیت یہ تھی کہ تم طلاق یافتہ ہوتوطلاق ہوجائے گی لیکن دوسرے الفاظ سےطلاق نہیں ہوئی لہذااگرآں جناب کی واقعتانیت تھی کہ‘‘تم طلاق یافتہ ہو’’توپھرطلاق واقعہ ہوگی لیکن رجعی ہوگی  جوعدت کے اندراس سے رجوع کیا جاسکتا ہے۔
ھذا ما عندی واللہ اعلم بالصواب

فتاویٰ راشدیہ

صفحہ نمبر 460

محدث فتویٰ

ماخذ:مستند کتب فتاویٰ